top of page
  • The Irrawaddy

ပတ်စပို့သက်တမ်း တိုးမပေးရန် မြန်မာသံရုံးများကို စစ်ကောင်စီ ညွှန်ကြား



အလည်အပတ် (Passport for Visit – PV) နှင့် အလုပ် (Passport for Job – PJ) ပတ်စပို့စာအုပ် (နိုင်ငံကူးလက်မှတ်) များမှလွဲ၍ ကျန်အမျိုးအစားများကို သက်တမ်းတိုးမပေးတော့ရန် ပြည်ပနိုင်ငံများရှိ မြန်မာသံရုံးများကို စစ်ကောင်စီ၏ နိုင်ငံခြားရေးဝန်ကြီးဌာနက ညွှန်ကြားထားကြောင်း သိရသည်။


ပြည်ပနိုင်ငံများရှိ မြန်မာသံရုံးများတွင် နိုင်ငံကူးလက်မှတ် သက်တမ်းတိုးခွင့် မရှိတော့သည့် ညွှန်ကြားချက်သည် တပြေးညီ ဖြစ်သောကြောင့် မြန်မာနိုင်ငံသားများအများစု နေထိုင်လျက်ရှိသည့် ထိုင်း၊ အမေရိကန်၊ အင်္ဂလန်၊ မလေးရှားနှင့် တောင်ကိုရီးယား စသည့် နိုင်ငံများ အပါအဝင် မြန်မာသံရုံးနှင့် ကောင်စစ်ဝန်ရုံးများရှိရာ နိုင်ငံပေါင်း ၃၈ နိုင်ငံတွင် အကျုံးဝင်မည် ဖြစ်သည်။


ထိုင်းနိုင်ငံရှိ မြန်မာနိုင်ငံသားအများစု တက်ရောက်နေသော တက္ကသိုလ်တချို့၏ ကျောင်းအာဏာပိုင်များက သက်တမ်းကုန်ဆုံးရန် နီးကပ်နေသော ပညာရေးပတ်စပို့ (Passport for Education – PE) ကိုင်ဆောင်ထားသည့် မြန်မာကျောင်းသားများ အနေဖြင့် မိမိတက်ရောက်နေသော တက္ကသိုလ်များကို အကြောင်းကြားရန် သတိပေးလျက် ရှိကြောင်း ဧရာဝတီက ဖတ်ရှုရသည့် ထိုင်းတက္ကသိုလ်တခုမှ မြန်မာကျောင်းသားထံ ပေးပို့သော အီမေးလ်အရ သိရသည်။


ထိုင်းနိုင်ငံ၊ ချင်းမိုင်တက္ကသိုလ်တွင် ပညာသင်နေသော ကျောင်းသားတဦးက “ကျောင်းရဲ့ အကြောင်းကြားစာထဲမှာ ပတ်စပို့် သက်တမ်းကုန်တဲ့ ကျောင်းသားတွေက သက်တမ်းဆက်တိုးခွင့်ကို ထိုင်းနိုင်ငံမှာ မရတော့ဘူး။ မြန်မာပြည် ပြန်ရမယ်လို့ သတင်းကြားတယ်။ ကျောင်းက မြန်မာကောင်စစ်ဝန်ကို ဆက်သွယ်တော့လည်း ဒီသတင်းက အတည်ဖြစ်တာကို သူတို့ ရရှိထားတယ်။ ဒါကြောင့် သက်တမ်းကုန်ခါနီး မြန်မာကျောင်းသားတွေကို ကျောင်းကို အကြောင်းကြားကြဖို့ သတိပေးထားတယ်” ဟု ဧရာဝတီသို့ ပြောသည်။


ထို့သို နိုင်ငံကူးလက်မှတ် သက်တမ်းတိုးခြင်းကို မြန်မာနိုင်ငံသို့ ပြန်ပြီးလုပ်ဆောင်ရပါက ငွေကြေးကုန်ကျစရိတ်များ ပိုများလာနိုင်သလို အချိန်ကြန့်ကြာမှုများလည်း ဖြစ်လာနိုင်သည့်အတွက် ပညာသင်ကြားရေးအပိုင်းတွင် အခက်အခဲ ရှိလာနိုင် ကြောင်း ၎င်းက ဆိုသည်။




137 views0 comments

Comentários

Avaliado com 0 de 5 estrelas.
Ainda sem avaliações

Adicione uma avaliação
bottom of page